По возможности молитву совершать ежедневно в 21:00 с 28 ноября по 6 января. 

Во и́мя Отца́ и Сы́на и Свята́го Ду́ха. Ами́нь.
Царю́ Небе́сный, Уте́шителю, Ду́ше и́стины, И́ же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. (Читается трижды, с крестным знамением и поясным поклоном.)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твое́го ра́ди.
Го́споди, поми́луй. (Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. 

Господи, благослови и помоги моим близким и родным, братьям и сёстрам.
Господи, спаси и сохрани всех нас!

Псалом 150
Хвалите Бога во святыне Его, хвалите Его на тверди силы Его. Хвалите Его по могуществу Его, хвалите Его по множеству величия Его. Хвалите Его со звуком трубным, хвалите Его на псалтири и гуслях. Хвалите Его с тимпаном и ликами, хвалите Его на струнах и органе. Хвалите Его на звучных кимвалах, хвалите Его на кимвалах громогласных. Все дышащее да хвалит Господа! Аллилуия.

Молитва об умножении любви
Пла́менем любви распали́ к Тебе́ сердца́ на́ша, Христе́ Бо́же, да то́ю разжига́еми, се́рдцем, мы́слию же и душе́ю, и все́ю кре́постию на́шею возлю́бим Тебя, Небесного Бога и Отца, и и́скренняго своего́ как себя, и повеле́ния Твоя́ храня́ще сла́вим Тебя, всех благ Подателя.

Молитва о болящих
Господи Боже наш, огради нас от губительнаго поветрия и пощади нас смиренных и недостойных чад Твоих в покаянии с теплою верою и сокрушением сердечным к Тебе милосердному Богу нашему припадающих и на милость Твою уповающих. Твое бо есть, еже миловати и спасати нас, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Молитва о семье
Го́споди, Иису́се Христе́, Бо́же наш, послужи́ти спасе́нию ро́да челове́ческаго изво́ливый, и во спаси́тельном Твое́м смотре́нии сподо́бивый в Ка́не Галиле́йстей честны́й показа́ти бра́к Твои́м прише́ствием: Са́м и ны́не сохрани и благослови супру́жества чад Твоих! Да́руй супругам ве́ру крепкую, наде́жду бла́гую, любо́вь нелицеме́рную друг ко дру́гу в сою́зе ми́ра, благоче́стие непоколеби́мое, в до́брых де́лех преуспе́яние, целому́дрие, единомы́слие душ и теле́с, о ча́дех благода́ть, до́мы испо́лнены благосты́ни и в жи́зни ве́чней неувяда́емый вене́ц сла́вы Небе́сныя, да́ вси́ ку́пно славосло́вим Твое́ неизрече́нное человеколю́бие со Отце́м и Святы́м Ду́хом во ве́ки веко́в. Ами́нь.